நடிகர் பிரேம்ஜியின் திருமணம் குறித்து வெங்கட் பிரபு அறிக்கை ஒன்றை வெளியிட்டுள்ளார்.
டி20 உலகக்கோப்பைத் தொடருக்கு பரிசுத் தொகையை அள்ளி வீசிய ஐ.சி.சி.
வரும் ஜூன் 09- ஆம் தேதி நடிகரும், பாடகரும், இசையமைப்பாளருமான பிரேம்ஜிக்கு திருத்தணி முருகன் கோயிலில் திருமணம் நடைபெறும் என்று திருமண அழைப்பிதழ் ட்விட்டர், பேஸ்புக், இன்ஸ்டாகிராம் போன்ற சமூக வலைதளங்களில் வைரலானது.
இந்த சூழலில், தனது சகோதர் பிரேம்ஜியின் திருமணம் குறித்து நடிகரும், திரைப்பட இயக்குநருமான வெங்கட் பிரபு அறிக்கை வெளியிட்டுள்ளார். அந்த அறிக்கையில், “இத்தனை வருடங்களாக என் குடும்பத்தாருக்கும் எனக்கும் ஆதரவையும், அளவில்லாத அன்பையும் வழங்கிய இரசிகர்களுக்கும், பத்திரிக்கை மற்றும் ஊடக நண்பர்களுக்கும் வணக்கம்!
எங்கள் குடும்பத்தில் பல வருடங்கள் கழித்து ஒரு நல்ல நிகழ்வு நடக்க இருக்கிறது.”பாகுபலியைக் கட்டப்பா ஏன் கொன்றார்?” “சொப்பனசுந்தரியை இப்போ யாரு வெச்சிருக்கா?” இதை எல்லாவற்றையும் விட, “பிரேம்ஜிக்கு கல்யாணம் எப்போ?” என்ற உங்கள் கேள்விக்குப் பதில், வரும் 9- ஆம் தேதி சிறிய அளவில் குடும்பத்தினர் மற்றும் நெருங்கிய நண்பர்கள் முன்னிலையில், பிரேம்ஜி தான் விரும்பும் பெண்ணை, அம்மாவின் ஆசிர்வாதத்துடன் கரம் பிடிக்கிறார். அம்மா வெகுவாக எதிர்பார்த்த இந்த திருமணத்தை நெருங்கிய உறவுகளுடனும், நண்பர்களுடனும் எளிய முறையில் நடத்த விரும்புகிறோம்!
“கவுதம் கம்பீருக்கு என்ன தகுதி இருக்கு?”- வறுத்தெடுக்கும் தோனி ரசிகர்கள்!
இது தெரியாமல் நண்பர் ஒருவர் திருமணப் பத்திரிக்கையை பொதுவெளியில் பகிர்ந்துவிட்டார்! எப்படி கல்யாணப் பத்திரிக்கை வைரல் ஆனதோ, அதேபோல் மணமகள் மீடியாவைச் சேர்ந்தவர் என்றும் புகைப்படங்கள் உலவுகின்றன. மணமகள் மீடியாவைச் சேர்ந்தவர் இல்லை. திருமணம் முடிந்தவுடன் புகைப்படங்களைப் பகிர்கிறேன். எங்களுடைய பிரைவசியை மதித்து இருந்த இடத்தில் இருந்தே மணமக்களை வாழ்த்தி அதையும் வைரலாக்குமாறு கேட்டுக்கொள்கிறேன். உறுதியாக திருமண வரவேற்பில் அனைவரையும் சந்திப்போம்!” என்று குறிப்பிட்டுள்ளார்.