ஐரோப்பிய நாடுகளுக்கு இடையிலான யூரோ கோப்பை கால்பந்து போட்டிகள் ஜெர்மனியில் இன்று (ஜூன் 14) தொடங்கி வரும், ஜூலை 14- ஆம் தேதி வரை நடைபெறவுள்ளது. லீக் சுற்றின் முதல் போட்டி, ஜெர்மனி- ஸ்காட்லாந்து அணிகள் இடையே, இந்திய நேரப்படி இன்று நள்ளிரவு 12.30 மணிக்கு தொடங்குகிறது.
அதிரடி வீரர் விராட் கோலிக்கு என்னாச்சு!
இந்த தொடரின் நடப்பு சாம்பியன் இத்தாலி அணி உட்பட 24 அணிகள், 6 பிரிவுகளாக லீக் சுற்றில் (ஜூன் 14- ஜூன் 26) பங்கேற்கின்றன. ஜூலை 09, 10 ஆகிய தேதிகளில் அரையிறுதியும், ஜூலை 14- ல் இறுதிப்போட்டியும் நடைபெறவுள்ளது. லீக் மற்றும் நாக்- அவுட் என மொத்தம் 51 போட்டிகள் நடைபெறவுள்ளன.
கோடிகளில் புரளும் யூரோ கால்பந்து!
24 அணிகள் பங்கேற்கும் யூரோ கால்பந்து சாம்பியன்ஷிப் போட்டிக்கான மொத்த பரிசுத்தொகை சுமார் ரூபாய் 3,000 கோடியாகும். சாம்பியன் பட்டம் வெல்லும் அணிக்கு ரூபாய் 72 கோடியும், 2-வது இடம் பிடிக்கும் அணிக்கு ரூபாய் 44 கோடியும் பரிசுத்தொகை வழங்கப்படவுள்ளது. அதேபோல், யூரோ கால்பந்து போட்டியில் பங்கேற்கும் ஒவ்வொரு அணிக்கும் ரூபாய் 83 கோடி பரிசுத்தொகை வழங்கப்படும்.
குவைத் தீ விபத்து- உயிர்பிழைத்தவரின் பரபரப்பு வாக்குமூலம்!
ஒவ்வொரு சுற்று வெற்றிக்குரிய தொகையைச் சேர்த்தால் வெற்றி வாகை சூடும் அணிக்கு மொத்தம் ரூபாய் 255 கோடியைக் குவிக்கும் என்பது குறிப்பிடத்தக்கது. யூரோ கால்பந்து திருவிழாவால், ஐரோப்பிய நாடுகளில் கொண்டாட்டங்கள் களைகட்டியுள்ளன.