நீண்ட இடைவெளிக்கு பிறகு மௌனராகம் புகழ் நடிகர் மோகன் நடிப்பில் விஜய் ஸ்ரீ இயக்கத்தில் உருவாகியுள்ள திரைப்படம் ‘ஹரா’. இந்த படம் இன்று (ஜூன் 07) தமிழகத்தில் உள்ள திரையரங்குகளில் வெளியாகியுள்ளது. சென்னையில் உள்ள திரையரங்கில் தனது படத்தின் முதல் காட்சியை ரசிகர்களுடன் நடிகர் மோகன் திரைப்படம் பார்த்தார். பின்னர், ரசிகர்களுடன் நடிகர் மோகன் கேக் வெட்டி தனது மகிழ்ச்சியை வெளிப்படுத்தினார்.
‘கிங் மேக்கர்கள்’ ஆதரவு யாருக்கு?- மீண்டும் மோடி ஆட்சியா? இந்தியா கூட்டணி ஆட்சியா?
அதைத் தொடர்ந்து, கேக்கை அனைவரும் வழங்கினார். பின்னர் செய்தியாளர்களுக்கு பேட்டியளித்த நடிகர் மோகன், “ன்னுடைய முதல் படமான கோகிலா படத்தில் இருந்து தற்போது வெளியாகி உள்ள ஹரா வரை அளவு கடந்த அன்பையும், ஆதரவையும் கொடுத்து வரும் ரசிகர்களுக்கு மிக்க நன்றி; இதேபோல் எனக்கு நீங்கள் தொடர்ந்து ஆதரவை வழங்க வேண்டும் என்று உங்களையும், கடவுளையும் கேட்டுக் கொள்கிறேன்.
எனது ரசிகர்கள் இங்கு வந்து திரைப்படத்தைப் பார்த்தது எனக்கு மிகவும் மகிழ்ச்சி. ஹரா படத்தை எல்லோரும் பாருங்கள்; ஆசீர்வாதம் செய்யுங்கள் உங்களிடம் கேட்டுக் கொள்கிறேன்” எனத் தெரிவித்துள்ளார்.
கங்கனா ரனாவத் கன்னத்தில் அறைந்த சிஐஎஸ்எஃப் பெண் காவலர்!
சுமார் 14 ஆண்டுகளுக்கு பிறகு நடிகர் மோகனின் திரைப்படம் வெளியாகியுள்ள நிலையில், அதனை அவரது ரசிகர்கள் உற்சாகமாகக் கொண்டாடி வருகின்றனர்.